Solusyon sa krisis | MARAMING WATER CONCESSIONAIRES

BIGYAN ng prayoridad ang pagtatayo ng dalawang dams at kastiguhin ang kapalpakan ng mga water concessionaire.

Ito ang solusyon na isinusulong ni Ilocos Norte Gov. Imee Marcos upang maresolba ang krisis sa tubig.

“Mataas ang presyo ng tubig pero, maayos ba ang serbisyo? Kung hindi nila kaya, malamang may ibang magsisikap na magserbisyo sa publiko nang tama. Alalahanin dapat nila ang serbisyo, hindi lang puro kita,” diin ni Marcos.

“Baka kailangan nang mas maraming concessionaires ang papasukin at patatagin ang pamamahala ng gobyerno sa water resource management, supply and delivery. Privatization should serve the greater number of our people not a few corporations,” aniya pa.

Nilinaw ng gobernadora na unang sinimulan ang Kaliwa at Laiban Dams pero, itinengga ito ng mga kasunod na administrasyon sa Malacañang.

“It is only the Duterte administration that has put in serious effort to push for our much-delayed and much-needed water projects,” paalala ni Marcos.

Samantala, nakatengga rin ang plano para sa pagpapagaw ng Wawa Dam, Angat-Norzagaray Waters, Bayabas Dam at Laguna Lake. (BRT)