Nagpaputok ng boga tiklo
Pabs Hernandez III
Mar 22, 2019
1 min read
NUEVA ECIJA—Isang sundalo ng Philippine Army (PA) ang inaresto ng pulisya nang magpaputok ng baril, kamakalawa sa Bgy. Militar, Palayan City sa lalawigang ito.
Kinilala ang suspek na si Sgt. Allan Juarigue, nakatalaga sa 1st Brigade Combat Team sa Fort Magsaysay sa nasabing lalawigan.
Ayon sa ulat, kainuman ni Juarigue ang kanyang mga kaibigan nang magpaputok ito ng baril at dahil dito rumesponde ang pulisya ay dinakip ang suspek.
Nakapiit na si Juarigue at nakatakdang sampahan ng mga kaukulang kaso.
Comments