Love team, kaya tinutulan… SIGAW NG FANS: GERALD, MUKHANG TITO NI JULIA

Erlinda Rapadas / TEKA NGA

TUMUTUTOL ang mga fans ng JoshLia love team na paghihiwalayin muna sina Julia Barretto at Joshua Garcia upang itambal sa iba.

Susubukan kasing ipareha si Julia kay Gerald Anderson sa isang project ng Star Cinema. Kaya lang, umaapela nga ang JoshLia dahil hindi pa ganu’n katatag at ka-establish ang tandem na JoshLia ay bubuwagin na agad?

Besides, masyado raw bata si Julia upang maging leading lady ni Gerald.

Magmumukha lang elder bro­ther o tito ni Julia si Gerald at hindi magkakaroon ng kilig factor kumpara sa tambalang JoshLia.

Unless, gagawing mala-To Sir with Love ang concept ng pelikula. At dapat din sigurong baguhin ang image o hitsura ni Gerald upang maka-adjust sa hitsura ni Julia B..

Kailangang bagets ang porma ni Gerald sakaling matuloy ang pelikula nila ni Julia Barretto! Masyado pang maaga upang i-risk na ipareha si Julia sa mas mature na aktor.

Okey lang sana kung si Daniel Padilla ang ipareha sa kanya o kina Enrique Gil o Matteo Guidicelli.