‘PINAS, BRONZE SA WORLD JUNIOR BOWLING SA FRANCE

SIGURADO na ang Pilipinas na hindi ito mabo­bokya sa medalya nang ma­kasikwat ito ng isang upuan sa podium ng girls’ singles sa 2019 World Bowl­ing Junior Championships sa palaruan ng Plaza Bowl­ing sa St. Maximin, France.

Kinasangkapan ng ban­sa ang mainit na kamay ni Grace Gella na kumamada ng 1,374 pinfalls sa elimi­nation round para makakuha ng lugar sa semifinals. Siya ay pumang-apat sa likod ng isang Singaporean at dala­wang kinatawan mula sa Finland.

Nabigo siyang dai­gin si Arianne Tay sa semis kaya nakuntento na siya sa tansong medalya ng torne­ong inorganisa ng World Bowling, Maximin Bowl­ing Plaza at Tenpin Bowling Association of France.

Kamuntik nang masun­dan ang podium finish ni Gella nang pumanglima ang boys’ doubles team ng mga kababayang sina Danielle Evangelista at Patrick Nu­qui. Eksaktong 30 pinfalls lang ang naging kakulangan nila mula sa isang sigura­dong bronze medals.

Ang susunod na tsansa ng kabataang bowlers na makasikwat pa ng medalya ay nakahain sa mixed team, all events at masters ng pa­ligsahang nilimitahan lang ang mga kalahok sa bowlers na ipinanganak noong Enero 1, 2001 hanggang Disyem­bre 31, 2005.

Ang national quartet ay inaalalayan nina Alexander Lim (manager), Engelberto Rivera (coach) at Josephine Canare (coach) sa pakiki­pag­banggaan nila sa may 110 na kinatawan ng 35 ban­sa kabilang na ang Australia, Brazil, China, Columbia, U.S.A, Taiwan, Thailand, Sin­gapore, Ukraine, Hong Kong, Italy, Korea, Mexico, Guate­mala, Germany, Eng­land, Ecua­dor, Kuwait, Rus­sia, Po­land at ang punong-abalang France.