Mga tsuper, kapos na sa pang-boundary, may umbag pa kay misis, nakupo!

KA AMBO / BISTADO

DAMANG-DAMA na ang paghihikahos ng ordi­naryong Pinoy.

Tumatakbo ang mga taxi at dyip nang walang pasahero!

◘◘◘

MARAMING tsu­per ang kapos ang pang-boundary.

Marami nang dray­ber ang nagmamane­ho nang may “black­eye” kasi inumbag ni misis dahil walang pang intrega!

◘◘◘

HIGIT na kaawa-awa ang mga iskuwater na nagsisiksikan sa “isang dipang langit” na silid.

Wala silang electric fan kaya sa kalye tuma­tam­bay!

◘◘◘

Dumaraing naman ang mga residente ng Upper Catmon sa Mala­bon City dahil sa harassment at demolisyon nang walang court order.

Nakatira ang ilang residente sa dating tam­bakan ng basura at sila mismo ang nag-develop upang maging disenteng tirahan sa mahabang panahon.

Pero, pinalalayas sila nang walang relokasyon!

◘◘◘

HINIHILING ng mga residente na mabi­ya­yaan sila ng binabang­git nating “in-city housing program” nang hindi na sila lalayo sa lungsod.

Parang hayop si­lang pinalalayas nang wa­lang utos ang hukuman!

◘◘◘

BINABASTOS ng mga LGU ang utos ni Pa­ngulong Rodrigo Duter­te na “no relocation, no demolition policy”.

Nagtatanong ang mga slum dweller kung saan dinala ng city officials ang pondong nakalaan para sa mga maralitang tagalung­sod?

◘◘◘

DAPAT magbigay ng paliwanag si Mayor Lenlen upang makal­mante ang nagigipit nang mga nagdarahop na pamilya sa Bgy. Cat­mon.

Walang progra­mang pabahay sa Malabon, bagkus ay ginagastos ang badyet sa housing sa walang kabuluhang training ng tanod, ladies at lupong tagapama­yapa!

◘◘◘

MAHALAGANG magkaroon ng in-city housing program ang Malabon dahil isa ang lungsod sa may pina­ka­maraming iskuwater na gumagapang sa hirap.

Nakalulungkot na bokya ang Malabon sa shelter program kum­para sa ibang siyudad.

Tsk-tsk-tsk!