Malinaw ayon sa birthday... LALAKING NAKATAKDANG MAKATULUYAN ANG NILILIGAWAN LALO NA KUNG MAY PAGKA-

Maestro Honorio Ong

Dear Maestro,

May nililigawan akong babae na tawagin na lang nating Eddielyn. November 2, 1993 ang birthday niya habang July 7, 1991 naman ang birthday ko.

Sa pagkakaalam ko sa mga natutunan ko sa inyo da­hil matagal n’yo na akong tagasubaybay ay tugma kami ng babaeng nililigawan ko dahil siya ay Scor­pio at ako naman ay Cancer kung saan ang mga zodiac sign na ito ay parehong may elementong tubig. Tama ba ako?

Gayundin, ang birth date naming 2 at 7 sa Numero­logy ay tugma rin. Ang problema, bukod sa akin ay may nanliligaw pa sa kanya na Virgo na may birth date na September 7.

Ibig sabihin, pareho kaming 7, kaya tugma rin sila ni Eddielyn? Ang isa pang napansin ko ay sobrang malapit din sila ng lalaking ito kaya medyo nagseselos at kina­kabahan ako na baka siya ang magustuhan ni Eddielyn sa halip na ako.

Ano ang dapat kong gawin? Sino kaya sa amin ni Mr. Virgo ang sasagutin o magiging boyfriend ni Eddielyn? Sana matulungan ninyo ako o magbigyan ng tips para hindi ako maunahan ng karibal ko kay Eddie­lyn.

Umaasa,

Art ng Santa Cruz, Guiguinto, Bulacan

Dear Art,

Tama ka, medyo ka-compatible ng babaeng nililigawan mo na may zodiac sign na Scorpio sa birth date na 2 ‘yung lalaking karibal mo na may zodiac sign na Virgo sa birth date na 7 na nagkataong pareho kayong may birth date na 7.

Oo, medyo tugma nga ang babaeng nililigawan mo na Scorpio at ang iyong karibal na Virgo kung saan ang taglay na numero at ang water type sign na Scorpio ay minsang tugma rin sa earth type sign na Virgo.

Habang, ikaw naman ay may zodiac sign na Cancer sa birth date na 7 kung saan masasabing magkakatugma nga kayong tatlo.

Pero, siyempre, dapat alam mo ang “basic rule” sa panliligaw kung saan ang basic rule sa panliligaw ay “kung sino ang mas buo ang loob, siya ang mas mag­tatagumpay”. Kumbaga, hindi lang sa pisikal na anyo ng lalaki ang panli­ligaw kundi pahusayan din ito ng tindig at angas.

‘Ika nga ni Kuya Manoling, nang magkakuwentu­han kami noong panahon ng aking kabataan at nililiga­wan ko pa si Winnie my love, palagi niyang ibini­bilin sa akin: “Honorio, tandaan mong, sa taong buo ang loob ang tagum­pay at ligaya ay lu­bos”!

Ganu’n ‘yun! Kaila­ngang buo ang loob mo sa panliligaw at hindi lang sa panliligaw kundi sa lahat ng bagay upang hindi ka ma­agrabiyado o maisa­han ng karibal mo.

Pero, anu’t anuman ang kalabasan ng inyong kum­petisyon ng karibal mo, isa lang ang tiyak, kung ang nili­ligawan ninyong babae na may birthday na November 2, 1993 ay medyo maliit na babae, maputi, mabilis lumakad, may pagkaseryoso, maliit ang sulat-kamay at palaging late dumating sa mga lakad, huwag ka nang umasa, mas magu­gustuhan niya ang karibal mong isinilang sa zodiac sign na Virgo.

Subalit, kung ang nililigawan ninyo ay nangungusap ang dibdib, palabiro, kuwelang kasama, palaging naka­ngiti, bungisngis, maganda ang labi, on time dumating kung may mga lakad kayo, mahilig sa pagpapaganda, may pagka-chubby, mahilig sa mga lakad o pamamasyal, tiyak ang magaganap, ikaw ang magugustuhan niya at siguradong ngayong 2019, sa buwan ng Setyembre o kaya ay Oktubre, sasagutin ka na niya upang sa panahong ‘yun habang lu­malapit ang masayang pagdiriwang ng kapaskuhan, walang duda, sabay kayong magsisimba ha­bang naghaharutan at nagtatawanan sa dilim, mag­kahawak-kamay kayong naki­kinig sa misa.

Ganu’n ang palaging magiging pattern ng inyong relasyon. Matamis, maharot, nagbibiruan at palaging ku­welang magkasama hanggang sa kayo na nga ang mag­kakatuluyan at magsasama sa pagbuo ng masaya at pang­habambuhay na relasyon kung saan bibiyayaan kayo ng unang anak na babaeng sanggol na kukumpleto sa pag­ma­mahalan ninyong dalawa, gayundin ng kaligaya­han sa itatayo ninyong masaya at panghabambuhay na pamilya.