JUNIOR NBA PHILIPPINES, BALIK BENGUET CAMP

MAGBABALIK ang Jr. NBA Philippines ng Alaska sa Benguet State University sa taong ito para sa ikala­wang NBA Philippines Re­gional Selection Camp sa Marso 23 at 24 kung saan sina Jr. NBA coaches Carlos Barroca ng NBA at PBA Legend Jeffrey Cariaso ang magbubukas ng youth bas­ket­ball league participation program upang maturuan ng basketball fundamentals at maibahagi ang ‘core va­lues’ ng laro sa mga batang edad 10-14.

Ituturo sa mga kalahok ang world-class basketball instruction sa dalawang araw na event na magsisi­mula sa Marso 23, Sabado ng 7:00 a.m.

Sasabak ang mga aspi­ring Jr. NBA All-Stars sa mga serye ng ‘skill stations’ na susuri sa kani­lang husay sa dribbling, pas­sing, shoo­ting, lay-ups at footwork.

Ang top perfor­mers sa unang araw ay ha­hasain pa sa Linggo na pa­mu­munuan ng mga coach sa advanced basketball con­cepts, lalaro sa team exer­cises at exhi­bition games.

Maglalaban ang boys at girls para sa slot na kakata­wan sa North Luzon ng Jr. NBA Philippines National Training Camp sa Don Bos­co Technical Institute sa Makati sa Mayo 17-19.

Ang mga atletang napili sa Ben­guet Regional Selec­tion Camp ay magiging bahagi ng top 40 boys at 40 girls na kinuha mula sa Regional Selection Camps sa Lucena (March 9-10), Dumaguete (March 30-31), Butuan (April 13-14), Metro Manila (April 27-28), at sa Alaska Power Camp.

Ang 2019 batch ng Jr. NBA Philippines All-Stars na bubuuin ng 5 boys at 5 girls ay lalahok sa unang Jr. NBA Global Championship Asia Pacific Selection Camp, isang week-long selection camp sa Hunyo kasama ang top youth players ng North Asia, Southeast Asia at Pa­cific region.

Bilang dagdag, ang top performing 10 boys at 10 girls ang kakatawan sa Asia Pacific sa ikalawang Jr. NBA Global Championship sa Agosto 6-11 sa ESPN Wide World of Sports Com­plex sa Walt Disney World sa Orlando, Florida.

(MC)