Rider dedbol sa aksidente

ALBAY—Isang rider ang namatay at sugatan naman ang isa pang rider nang aksidenteng magkabanggaan ang kinalululanan nilang motorsiklo, kamakalawa sa Bgy. Basud Bridge sa bayan ng Sto. Domingo sa lalawigang ito.

Nakilala ang nasawi na si Dennis Broqueza, samantalang, ang sugatan ay si Paolo Banares, kapwa residente sa naturang lalawigan.

Ayon sa ulat, kapwa mabilis ang takbo ng dalawang motorsiklo na minamaneho nina Broqueza at Banares kaya aksidente silang nagkabanggaan sa nasabing lugar.

Dinala ng mga saksi ang dalawang biktima sa ospital, pero idineklarang dead-on-arrival si Broqueza.