Pahiwatig na ililigtas ng matipunong lalaki

Socrates Magnus

Salaminin natin ang panaginip ni Nicole ng Nicole_Leones@facebook. com

Dear Professor,

Tanong ko lang kung bakit palagi akong nana­naginip na may kasamang ibang lalaki, hindi ko sila kilala, pero palagi sila sa panaginip ko?

Sana, masagot ninyo ito.

Maraming salamat!

Naghihintay,

Nicole

Sa iyo Nicole,

Sa panahon ngayon, ang pag-aasawa ay sobrang ma­bilis, kumbaga, talagang hin­di magkakilala nang husto ang mag-asawa. Sa ganitong pananaw at kung nagka­ta­ong may asawa ka na nga­yon, ang ibang lalaki sa pa­na­ginip mo ay ang iyo ring asawa.

Kung nagkataon naman na wala ka pang asawa, pero may boyfriend ka na siya ang nasa panaginip mo na magiging asawa mo sa future.

Gayunman, ang lahat ng ito ay isa lang ang itinutum­bok na ikaw ngayon ay hindi masaya, nabubuhay sa lihim at malalim na kalungkutan.

Pansamantala, ikaw ay pinapayuhan na maghanap ng saya, kumbaga, gumawa ka ng paraan para sa sarili mo dahil kapag nagpatuloy ang lihim na lungkot ng tao ay nawawala ang orihinal na kagandahan niya dahil pa­payat ang kanyang mukha, magiging dry o walang sigla ang kanyang mga ngiti.

Pero, higit sa lahat, pu­mapangit din ang kapalaran niya dahil mas nahahatak nito ang mga negatibong pu­wersa sa paligid at siya ay matutulad sa isang prinsesa na nakakulong sa sobrang malalim na kalungkutan.

Gayunman, hindi rin sila dapat mawalan ng pag-asa dahil sa bawat ka­saysayan ng babae ay palagi ring mayroong tinatawag na “knight in shining armour” na ang ibig sabihin ay ililigtas siya ng matipu­nong lalaki sa pagkakaku­long niya sa malalim na ka­lungkutan.

Ito ang mensahe ng iyong panaginip. Huwag na huwag mo itong kalilimu­tan, kumbaga, itanim mo ito sa iyong isipan, ikuwintas mo sa iyong dibdib nang sa gayun ay mangyari ito sa iyong buhay.

Hanggang sa muli, Professor Seigusmundo del Mundo