FEU BOOTERS, NUMERO UNO SA 1ST ROUND NG UAAP FOOTBALL

NAGTAPOS na no.1 ang Far Eastern University sa first round kasunod ng 2-1 paggapi nila sa De La Salle noong Linggo ng hapon sa UAAP Season 81 Men’s Football Tournament sa FEU-Diliman pitch.

Umiskor si Nikki Cano­nigo sa 83rd minute para giyahan ang Tamaraws sa pag­tapos ng first round na may apat na panalo at tat­long draws.

Sa kabuuan ay nakati­pon ang FEU ng 15 puntos, 5 puntos ang agwat sa pu­mapangalawa sa kanilang University of Santo Tomas na sinamahan ng Ateneo de Manila at University of the Philippines pagkaraang mag­sipagwagi sa kani-ka­nilang katunggali.

Tinalo ng Blue Eagles ang National University Bulldogs, 4-0 habang inu­ngusan ng Fighting Maroons ang University of the East Red Warriors, 2-1.

Dalawang beses nakais­kor ng goal si Rupert Baña para sa Ateneo habang nag­dagdag ng tig-isang goal sina Mark Nacional at Mar­tin Ordoñez.

Si King Miyagi naman ang nagdeliber ng winning goal sa stoppage time para sa UP para makalikom ng 10 puntos kapantay ng Ateneo at UST. Kasunod naman nila ang Green Booters na may 9 na puntos.

Samantala nanatili namang may 7 pun­tos ang Red Warriors at 5 puntos naman ang Bulldogs. (VA)