Pagpapastol ng hayop sa "forestland"

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Marami kaming ala­gang hayop tulad ng baka, kambing at kalabaw. Ang mga ito ay aming pinasasab­sab at pinakakain malapit sa forestland sapagkat malapit dito ang aming taha­nan. May nakapagsa­bi sa amin na bawal daw ang ginagawa namin dahil pino­pro­­tekta­han ng gob­yerno ang nasabing forestland. Totoo ba ito? — King

Dear King,

Para sa inyong kaa­la­man, ang batas na nakasasaklaw sa inyong katanungan ay ang Presidential Decree (PD) No. 705 o mas kilala sa tawag na “Revised Forestry Code”. Nakasaad sa Section 70 nito na:

“Section 70. Pasturing Livestock. Imprisonment for not less than six (6) months nor more than two (2) years and a fine equal to ten (10) times the regular rentals due, in addition to the confiscation of such livestock and all improvement introduced in the area in favor of the government, shall be imposed upon any person, who shall, without authority under a lease or permit, graze or cause to graze livestock in forest lands, grazing lands and alienable and disposable lands which have not as yet been disposed of in accordance with the Public Land Act; x x x”

Ayon sa nasabing batas, ang sinumang gagawing pastulan ng mga hayop ang forestlands, grazing lands at alienable and disposable lands na hindi pa naideklara, nailipat o na-dispose ng gobyer­no alisunod sa Public Land Act nang walang kaukulang authority sa ilalim ng lease o permit ay maparurusahan ng pagkakakulong na hindi bababa sa anim (6) buwan at hindi hihigit sa dalawang (2) taon. Maa­ari ring magmulta ng kapantay ng sampung (10) beses na halaga ng regular na renta para rito bukod pa sa pag­kum­piska sa mga ala­gang hayop at improvement na nagawa na sa lupa.

Nawa ay nasagot na­min ang inyong katanu­ngan. Nais naming ipa­alala sa inyo na ang opinyong ito ay naka­ba­se sa inyong mga naisa­laysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.

Maraming salamat sa patuloy ninyong pagti­tiwala.