ROAD WARRIORS, PINISAK ANG ELITE

SINAGASAAN ng NLEX Road Warriors ang two-game winning streak matapos kalusin ang Blackwater Elite 122-101 kagabi sa 2019 PBA Philippine Cup sa Araneta Coliseum.

Tumikada si Philip Paniamogan ng 25 points at siyam na assists upang ilista ang 4-5 karta ng Road Warriors at manatiling may tsansa na sumampa sa eight-team quarter­finals.

Humarurot agad ang Road Warriors sa unang dalawang periods, hina­wa­kan nila ang 15-point lead, 57-42 sa halftime. Hindi nanlamig ang maki­na ng NLEX sa third canto, nanatiling hawak ang malaking bentahe, 89-72 papasok ng fourth quarter.

Nakapagtala ng biggest lead na 29 points ang NLEX matapos isalpak ni Paniamogan ang two-point layup para sa 84-55 bentahe may 4:49 minuto pa sa third.

Tumipa si Allein Maliksi ng 20 markers at pitong boards para sa Elite na nabaon sa ilalim ng team standings kasama ang 2-8 card.

Samantala, lumanding sa Group D ang Gilas Pilipinas kasama ang An­gola, Italy at Serbia sa ginanap na FIBA World Cup Draw sa Shenzen Bay Arena.

Ayon kay Team Pilipinas head coach Yeng Guiao walang mahinang teams ang makakatapat nila sa kani­lang grupo pero itotodo nila ang lahat ng lakas upang makasabay sa mga deka­libreng bansa tulad ng Italy at Serbia.

“There are no weak teams in our group, We are probably the weakest team and certainly the underdogs,” pa­hayag ni Guiao. “ But We will go to the World Cup with a positive attitudes. With a mindset that we can win one or maybe two games that will enable us to the next round. “

Haharapin ng Pilipinas ang Italy sa Agosto 31, sunod ang Serbia sa Set­yembre 2 at huli ang Angola sa Setyem­bre 4.

Ang top two finishers ay aabante para kalabanin ang top two teams sa Group C na kinabibilangan ng Spain, Iran, Puerto Rico at Tunisia. (ATD)

Mga laro sa Miyerkules:

(Araneta Coliseum)

4:30 p.m. - Alaska vs Meralco:

7:00 p.m. - Magnolia vs NorthPort