Bagyong Idai humagupit | 24 PATAY SA ZIMBABWE

TINATAYANG nasa 24 katao at marami pang nawawala dahil sa pananalasa ng tropical cyclone Idai na nanalasa rin sa Mozambique at Malawi.

Ayon sa awtoridad, umabot na sa mahigit 1.5 milyon katao ang naapektuhan ng bagyo sa bansa.

Gayunman, maraming kabahayan ang nagta¬mo ng pinsala, gayundin ang mga tulay na inanod sa ilang parte ng Manicaland Province.

Nag-landfall ang Idai noong Huwebes sa Mozambique kung saan nagtala ito ng death toll na 19.

Samantala, ang hangin ng bagyo ay may lakas na 160 kph dahilan upang makagawa ito ng malalaking alon na may taas na hanggang siyam na metro.