Anak ni Da King, 'di kailangan ng datung… LOVI, ENJOY SA BAKASYON-GRANDE SA TATE KAHIT WALA NAN

Erlinda Rapadas / TEKA NGA

MUKHANG nalilibang nang husto at nag-i-enjoy sa pagbabakasyon abroad si Lovi Poe kaya hindi pa nakakaisip na bumalik sa ‘Pinas. Nasa New York nga­yon ang morenang Kapuso actress at nag-iikot du’n.

Maayos naman siyang nagpaalam sa GMA-7 para sa bakasyon niya sa USA. Pagbalik niya ay handa na siyang sumabak muli sa aktingan.

Loveless at single nga­yon si Lovi. Break na sila ng bf niyang French businessman na si Chris Johnson.

Marami ang nagsasabing pang-foreigner ang beauty ng anak ni Da King. For sure, muling makakatagpo ng lalaking mamahalin si Lovi.

Nagtatanong naman ang kanyang mga tagahanga kung hindi ba niya nami-miss ang pag-arte? Ayaw na ba niyang gumawa ng tele­serye?

Well, napaka-independent ni Lovi at nagagawa niya ang mga gusto niya sa buhay. Hindi niya kai­langang magpaalipin sa trabaho. May pribilehiyo siyang mag­pahinga at mag-enjoy sa buhay. At masaya siya kapag nagbibiyahe abroad.