Ex-mayor timbog sa drug raid

TIKLO sa isinagawang pagsalakay ng mga awtoridad ang dating alkalde ng Midsalip, Zamboanga del Sur kaugnay sa kinasasangkutang iligal na kalakalan ng droga sa Oroquieta, gabi ng Biyernes.

Kinilala ang suspek na si Liwaya Angcap, anak ng isa sa pinangalanan sa narco-list ni Pangulong Rodrigo Duterte.

Napag-alaman kay Misamis Occidental Provincial Director Senior Supt. Danildo Tumanda, armado ng search warrant nang salakayin ng mga tauhan ng Oroquieta Police Drug Enforcement Unit at Philippine Drug Enforcement Agency Region 10 ang bahay ni Angkap.

Itinuturing din na pampito sa provincial target ng PNP at PDEA si Angkap.

Nakuha ng mga awtoridad mula sa bahay ni Angkap ang iba’t ibang uri ng armas at ang nasa limampung gramo ng shabu.