Malinaw ayon sa birthday... BABAENG NAKATAKDANG MAKAPAGTRABAHO SA SINGAPORE

Maestro Honorio Ong

Dear Maestro,

Dati na akong nag-a-abroad o naging OFW sa Saudi, ang kaso hindi ako pinalad na makatapos ng kontrata dahil masama ang ugali ng naging amo ko at madalas akong abusuhin.

Sa ngayon ay nag-a-apply ako sa Sin­ga­pore at nag-aayos na ng mga pa­peles.

Naisipan kong sumang­guni sa inyo dahil nais kong malaman kung susu­wer­tehin kaya akong matuloy sa Singapore? December 28, 1987 ang birthday ko.

Umaasa,

Ivory ng Alulod, Indang, Cavite

Dear Ivory,

Ayon sa birthday mong 28 o 1 (ang 28 ay 2+8=10/ 1+0=1) at destiny number mong 2 (12+28+1987= 2027/ 20+27=47/ 4+7=11/ 1+1=2) sa zodiac sign na Capricorn, wala ka talagang suwerte sa lugar na Middle East o Gitnang Silangan dahil wala ru’n ang iyong ma­gan­dang kapalaran.

Kaya, kung ngayon ay sa Singapore ka nag-a-apply, ito ay isang bansa na sakop ng Southeast Asia, hindi ma­tatapos ang 2019, tiyak na susuwertehin ka kung saan makapag-a-abroad at maka­aalis ka na.

Nangyaring ganu’n dahil tulad ng nasabi na, tama sa iyong birth date at zodiac sign ang lugar na iyong pu­puntahan at bukod sa Sin­gapore, ikaw din ay higit na ma­giging mapalad kung ikaw ay mag-a-abroad sa Europe, Canada o sa itaas na bahagi ng mundo. Sa nasa­bing mga bansa ay susu­wer­tehin ka at magkakaroon ng masaganang kapalaran.

Habang, ayon sa iyong Travel Calendar, Ivory, nga­yong 2019, sa edad mong 30 pataas, may mabunga at ma­biyayang pangingibang-ban­sang itatala sa iyong kapa­laran.