Dehins lang pisikal ang dapat nating bigyan ng pansin, besh! 5 THINGS PARA MAGING MENTALLY HEALTHY,

SA panahon ngayon, marami na ang pinipiling mag-work from home o mag-freelance dahil sa mga advan­tage nito sa kanila. Kabilang dito ang flexible na oras, gayundin na nakai­iwas sila sa hassle ng araw-araw na pagko-commute. Bagama’t, ma­sarap ma­karanas ng mga ganu’ng bene­pisyo, knows ba ninyo kung paano pa­nga­lagaan ang mental health? Kung hindi pa, narito ang mga bagay para maging mentally healthy:

1. TRY TO WORK A SET NUMBER OF HOURS EACH DAY. Dahil wala nang ibang na­mamahala ng oras mo, hindi mo napapansin na mas maraming oras ang iyong inilalaan sa pagwo-work from home kumpara sa re­gular na trabaho. Dahil dito, nahihirapang balansehin ng indibidwal ang kanyang trabaho at personal na bu­hay. Upang maiwasan ito, maglaan ng partikular na oras ng pagtatrabaho nang sa gayun ay may oras pa rin para magpahinga.

2. SET CLEAR BOUNDARIES WITH CLIENTS AND YOUR­SELF. For sure, mayroong expectations ang bawat kli­yente dahil nagtiwala siya sa iyo. Gayundin, obligas­yon mong mag-set ng boun­daries sa pamamagitan ng pagiging consistent sa iyong mga sinasabi at ginagawa. Sa ganitong paraan, mala­laman ng kliyente kung ano ang dapat niyang i-expect mula sa iyo. Halimbawa nito ang hindi pagsagot ng mga tawag o email paglagpas ng oras na inilaan mo sa trabaho nang sa gayun ay magka­roon ka pa rin ng oras sa sarili mo.

3. LEARN TO SAY “NO”. Siguradong magan­dang magkaroon ng mara­ming projects dahil ‘ika nga nila, more project, more in­come. Pero, upang maiwa­san ang stress sa pagbaba­lanse ng oras sa mga project, mabuting pag-aralan muna kung kakayanin ng iyong schedule ang paggawa ng maraming project. Kung hindi mo kaya, say “no”, besh. Mas mabuti nang ma­lungkot ang kliyente mo da­hil naging honest ka kaysa ma-disappoint siya dahil hindi mo na-meet ang ex­pec­tations niya. Copy?

4. SCHEDULE 5-MINUTE BREAKS. Hin­di porket ibang klase ang trabahong mayroon ka, eh, mag­be-break ka lang kung sobrang stressed ka na. Da­hil mayroon kang inilaan na oras para magtrabaho, ma­bu­ting mag-schedule ka rin ng kaunting oras para mag-break. Sa ganitong paraan, hindi maiipon ang iyong stress at mare-refresh ang iyong isipan.

5. FIND A ‘WORK STATION’ IN YOUR HOME. Kung keri naman, mabuting magkaroon ng ‘work station’ sa iyong ba­hay na medyo malayo sa iyong kuwarto o personal space. Ayon sa mga eks­perto, ang paggawa ng tra­baho sa lugar na malayo sa personal space mo ay naka­tutulong upang magkaroon ka ng work-life balance.

Ayan mga lodi, always remember na kahit nagta­trabaho ka, dapat priority mo pa rin ang kalusugan ka­bilang ang mental health. Oks lang kung hindi lahat ng oras ay iginugugol mo sa pagtatrabaho, magsaya ka rin, paminsan-minsan.

Copy?