PINOY FIGHTERS, SASABAK SA BRAVE 22 STORM OF WARRIORS

Photo : Fb Brave 22 Storm of Warriors

ILALARGA ng Brave Combat Federation ang groundbreaking event sa Manila sa gaganaping Brave 22: Storm of Warriors nga­yon ganap na 6:00 p.m. sa MOA Arena sa Pasay City.

Pinangangasiwaan ito ni His Highness Sheikh Khalid bin Hamad Al Khalifa ng Bah­rain, tampok ang mga pamo­song Pinoy fighters sa fight cards ng nangungunang MMA promotion sa Mid­dle East.

Mismong ang Pangulong Rodrigo Duterte matapos ang pakikipagpulong sa Bahrain prince ang tumiyak para sa matagumpay na pagsasagawa ng Brave na inaasahang magpapaangat sa husay at galing ng mga Pinoy MMA fighters.

Ang Brave sa bansa ay resulta nang pakikipag-ugnayan ni Mr. Alfonso Ver, Philippine Am­bassador sa Bahrain, mata­pos personal na mapanood ang fight promotion.

Tampok na duwelo sa promosyon na mapapanod sa ESPN5 ang laban sa pagi­tan nina Filipino Bantamweight champion Stephen Loman kontra challenger Elias Boudegzdame.

Tulad ng inaasahan, umani ng papuri mula sa mga kababa­yan si Loman na isinagawang open workout/media presentation Miyerkoles ng gabi. Magpapakitang-gilas din sa harap ng Pinoy MMA fans sina Jeremy Pacatiw at karibal na si Marc Alcoba, gayundin ang dayuhan na sina Cian Cowley ng Ireland, New Zealand’s John Brewin at Pakistan’s Mehmosh Raza.

Ipinakilala rin ang isa pang kalahok na fighter na si Pinoy Rolando Dy. “I’ll be honest, I was always an average student, I got my college degree because I had to. I was an average basketball player and an awful dancer. Fighting is what I really know, it’s what I love. Being able to be here and representing my country, back to Brave, it’s amazing,” pahayag ni Dy, na haharap kontra sa mapanganib na si Mehmosh Raza sa Featherweight bout. Nangako na­man si John Brewin na bibig­yan ng magandang laban ang karibal na si Cian Cowley. (MC)