Malinaw ayon sa palad... BINATANG NAKATAKDANG MA-REGULAR SA PANGINGIBANG-BANSA

Maestro Honorio Ong

KATANUNGAN

1. Bakit ganu’n, Ma­estro, hindi ako nagka­karoon ng regular na trabaho?

2. Ngayong taon ay magkaroon na kaya ako ng regular at perma­nen­teng trabaho?

3. HRM ang natapos ko, pero balak kong su­makay sa barko kaya ngayon ay nagte-training ako. Saan ba maganda, sa barko o sa local na work na lang?

4. Sa isip-isip ko kasi kahit saan at kahit ano, papasukin ko, basta ma-regular lang ako dahil sa­wang-sawa na talaga ako sa palipat-lipat na tra­baho.

KASAGUTAN

1. Tama ang naisip mo na mag-training sa pag­babarko kahit HRM ang natapos mong kurso dahil may malinaw na Travel Line (Drawing A. at B. t-t arrow a.) sa kaliwa at ka­nan mong palad. Ibig sa­bihin, kung hindi ka naku­kuntento sa kasalukuyang buhay at career mo rito sa ating bansa dahil wala ka ngang masumpungang regular at magandang trabaho, tama na magbarko ka na lang habang puwe­deng-puwede naman ang course mo basta makapag-training ka lang at maka­sunod sa requirements.

2. Tamang-tama ang taong ito para masimulan mo nang mag-apply at makumpleto ang iyong mga papeles, kapag naga­wa mo ‘yan, makikita mo at mare-realize na kaya pala hindi ka nare-regular sa trabaho sa ating bansa ay dahil nasa pagbabarko ang iyong suwerte na ma­dali namang kinumpirma at pinatunayan ng lagda mong may mga alun-alon, pero patuloy na sumu­su­long at umaangat. Tanda na sa pangingibang-bansa na may kaugnayan sa tubig at laot ng dagat, mas higit na uunlad at aaseno, hindi lang ang iyong career kun­di pati na rin ang kabu­hayan ng itatayo mong pamilya.

DAPAT GAWIN

Habang, ayon sa iyong mga datos, Gemini, ituloy mo lang ang binabalak mong pagte-training at pag-a-apply sa barko, tiyak ang magaganap, kung hindi ka pinapalad na mag­karoon ng magandang tra­baho sa mga local com­pany na naa-apply-an mo, tiyak ang magaganap, sa pagse-seaman ngayong 2019, sa buwan ng Agosto, may mabunga at mabi­ya­yang pangingibang-ban­sang itatala sa iyong ka­palaran.