ANCAJAS AT PACQUIAO, ELORDE AWARDEES

MULING aagaw ng pansin ang mga professional boxers sa pangunguna nina IBF World Superflyweight champion Jerwin Ancajas at boxing icon Manny Pacquiao sa 19th Gabriel “Flash” Elorde Memorial Awards Banquet of Champions na gagawin sa Marso 25 sa Grandball Room ng Okada Hotel sa Parañaque.

Gagawaran si Ancajas ng “Boxer of the Year” award kasama sina IBO World Bantamweight champion Michael Dasmariñas at WBO World Miniflyweight Victor Saludar at si 8th divisions champion Pacquiao ng Awards of Distinction kasama sina WBO World Superflyweight ruler Donnie Nietes at WBA Super World Bantamweight king Nonito Donaire.

Pararangalan din sina 1996 Atlanta Olympics silver medalist Mansueto “Onyok” Velasco at 1988 Seoul bronze medalist Leopoldo Serrantes. Ito ang pangalawang recognition ni Ancajas, tubong Panabo Davao del Norte, una ang PSA Athlete of the Year”. “Nagpasalamat ako sa parangal na ginawad sa akin. Hindi ko ito makakalimutan sa boxing career ko,” sabi ng 27-anyos na si Ancajas.

Hawak ni Ancajas ang ring record na 30 wins, 20 by knockout, two draws at isang talo sa isang Pinoy boxer.