Nang magkaharap… HIRIT NI KATHRYN: ALDEN, MUKHANG MASYONDA
Nitz Miralles / BIDA
KAHAPON umalis si Alden Richards for Holy Land na bigay ni Mr. Tony Tuviera sa Dabarkads ng Eat... Bulaga!. Ang sabi, one week sa Holy Land ang Dabarkads, enough time para mapuntahan ang important places sa buhay ni Jesus Christ.
Bago umalis si Alden, nag-storycon muna sila ni Kathryn Bernardo ng movie nila sa Star Cinema sa direction ni Cathy Garcia-Molina na 90 percent kukunan sa Hong Kong.
Si Carmi Raymundo ang scriptwriter na nag-tweet ng “Waited years to write this story” na tungkol sa mga OFWs. Parehong OFW ang role nina Kathryn at Alden sa pelikula.
After ng storycon, nag-look test sina Kathryn at Alden at hinanapan ni Direk Cathy si Alden ng right looks for his role. Aliw pala ang comment ni Kathryn na nag-mature raw si Alden nang muling makita ang aktor sa storycon.
Kaya ang payo ng mga fans ni Alden sa kanya, tigilan na ang paggamit ng hair gel at pagsusuot ng bulaklaking polo na hindi bumabagay sa kanya.
Sa April 7 na ang simula ng shooting sa HK nina Kathryn at Alden at almost a month daw sila roon, pero puwede naman sigurong bumalik ng Pilipinas kahit sandali.
Sa Apr. 26 kasi ang opening ng franchise branch ni Alden ng fast food chain sa Biñan City at gugustuhin ng aktor na present siya sa opening nito.
Comments