Mga Pinoy, tamad daw, pinagri-resign... F*CK YOU! — MON

PINAGRI-RESIGN ng isang labor group ang newsman na si Mon Tulfo na itinalaga bilang Special Envoy to China.

Tinawag kasi niyang lazy workers o mga tamad ang mga Pinoy. Dahil dito, kinuha ng labor group na Trade Union Congress of the Philippines ang attention ni Tulfo na siya ay mag-public apology o ‘di kaya ay mag-resign.

Pero nagmatigas si Tulfo at aniya, hindi siya hihingi ng tawad o magku-quit sabay nag-dirty finger sign pa (f*ck you).

Sinabi pa niya na ang mga developers ang nagsabi na tamad umano ang mga Pinoy at mabagal magtrabaho kumpara sa Chinese workers.

“Marami kasi akong natatanggap sa mga developers, sa mga contractors, na tamad talaga ang Pinoy. Pinoy construction workers dito sa bansa,” saad ni Tulfo.

Dagdag pa ng newsman, “Mabagal sila magtrabaho, puro satsat, puro daldal, ang tagal ‘pag meryenda.”

Ipinagdidiinan din niyang hindi siya magbibitiw o mag-a-apologize sa ginawa niyang controversial remark.

“Bakit ako magbibitiw? Wala naman akong ginawang masama?” sambit pa niya.