Malinaw ayon sa birthday... LESBIAN NA NAKATAKDANG LUMIGAYA KUNG BABALEWALAIN ANG SASABIHIN NG IBA

Maestro Honorio Ong

Dear Maestro,

Tawagin n‘yo na lng akong Karen, 32 years old. Nalilito ako sa pagkatao ko, pero alam ko sa sarili ko na hindi ako normal dahil lesbian ako.

Maganda na­man ako, kaya lang mas humahanga ako sa mga babae kasya sa mga lalaki.

Sinubukan kong mag-boyfriend, tumagal kami ng 2 years, pero nilubayan ko na rin dahil hindi ako ma­saya at alam kong nilo­loko ko lang ang sarili ko.

Inisip kong kailangan ko ring magkaroon ng asa­wa, anak at normal na pa­milya, pero hindi naman ako masaya sa piling ng mga lalaking nakakasama ko.

Kadalasan pa nga sa aking pag-iisa ay pinapa­nga­rap kong magkagusto sa babae. Pero, inisip ko na malabo ‘yun dahil baka perahan lang ako. Tama pala ‘yung sinasabi nilang minsan, ang pag-ibig ay dumarating sa mga san­daling hindi mo ina­asa­han.

Hanggang sa duma­ting ang pagkakataong magka­kasama kami sa ka­siyahan ng mga kasama­han ko sa work. Tapos ‘yung friend ko nag-text sa akin dahil pinapupunta ko siya sa ka­siyahang ‘yun.

Tapos, nag-reply siya, pero iba ang gamit niyang SIM or cellphone. Ngunit, sinabi niya, “hindi siya puwede”.

Tapos nag-reply ako, pero iba ang su­magot ‘yung pinsan niya, tapos, nagkumustahan kami.

Tawagin natin si­yang Babe, halos kasing edad ko rin siya 31, mas bata lang sa akin ng isang taon. Isa siyang, CPA at cum laude sa University of Manila.

Nagkamabutihan kami at lahat ng first ko, siya ‘yung nagparamdam sa akin, binibigyan din niya ako ng mga regalo.

Sa to­too lang, napaka­saya ng re­lasyon namin, subalit, du­mating ‘yung time na nata­kot siya na baka mala­man ng family niya na may ka­relasyon siyang lesbian da­hil hindi raw matatanggap ng fa­mily niya ang ga­nu’n.

Du’n ako naiyak ng sobra sa sinabi niyang ‘yun. Hanggang sa naki­paghi­walay siya sa akin. Sobrang sakit dahil mahal na mahal ko na siya.

Ang sabi niya, maging magkaibigan na lang daw muna kami kasi marami pa raw siyang priorities sa bu­hay, pero ayaw daw niya akong mawala sa buhay niya.

Sa ngayon, nagte-text siya paminsan-minsan sa akin. Noong kami pa, pa­ngarap naming pareho na makapag-abroad at nga­yon ay nasa Ireland na siya at ako naman ay ma­lapit ng umalis papuntang Canada. Nagkukumus­tahan pa rin kami sa email at chat.

Pero, one year na ka­ming break. Mahal na ma­hal ko pa rin siya hanggang ngayon at palagi ko siyang nami-miss at naaalala.

Bago siya umalis pa­pun­­tang Ire­land, nagpa-alam siya sa akin at pu­munta siya sa amin, binig­yan pa niya ako ng regalo.

Ang tanong ko, Maes­tro ay ganito, mahal pa rin kaya niya ako? Ano ang dapat kong gawin nga­yong wala na siya?

Umaasa,

Karen ng Cubao, Q. C.

Dear Karen,

Sa palagay namin hang­gang ngayon ay mahal na ma­hal ka pa rin ng babaeng sinasabi mo dahil bihira na­mang mabura kaagad ang totoo ninyong pag-iibigan!

Gayunman, upang ma­ka­tiyak tayo, mas maganda kung siya ang tanungin mo kung mahal ka pa rin niya? Kahit sa text o email lang, puwede na ‘yun. Upang hin­di masayang ang napakata­mis at nakakikilig ninyong pagmamahalan.

Kung mahal ka pa niya, puwede ka niyang tulu­ngang makapunta sa Ireland at doon na kayo magsama at magpakaligaya.

Puwede rin namang kapag natuloy ka sa Canada ay siya naman ang lumipat ng work upang du’n na kayo magsama at mag­mahalan, habambuhay.

Ma­gagawa ninyo ‘yan dahil pa­re­ho kayong mata­lino at pro­fessional. Dagdag pa rito, bu­kod sa pareho ka­yong ma­talino at propesyu­nal, kapwa naman kayo totoo at tunay na nagmama­halan!

Alam mo, sa lipunan o kultura nating mga Pilipino, medyo conservative ang re­li­gious upbringing natin at ang ating kultura, kaya mas­yadong bawal ang maging bakla o tomboy.

Pero, kung ako lang ang tatanungin, mahal ko ang mga tomboy at ang mga na­kikipagrelasyon sa tomboy, kung anuman ang tawag sa inyo dahil ginagawa n’yo lang naman ‘yun dahil du’n kayo masaya at alam nin­yong du’n kayo higit na mas magiging maligaya.

Tulad din ng sitwas­yon mo ngayon, Karen, kung du’n kayo maligaya ng ka­sin­tahan o ng bestfriend mo, ano ang magagawa ng iba? Samantalang nasa hustong edad na kayo?

Ano ang ma­ga­gawa nila, eh, tayo ang mas res­ponsable sa sarili na­ting bu­hay at kapalaran? ‘Ika nga, kapag ba nagutom ka paka­kainin ka ba ng iba?

Kapag may problema ka, a­asika­suhin ka ba ng mga taong nanghuhusga sa relas­yon ninyo? Hindi na­man, ‘di ba?

Sa halip, ‘yung taong pa­lagi mong katabi at kasama — tomboy man siya, les­bian, bisexual o kahit na ano pa ang tawag, siya ang ma­gi­ging kasangga mo sa prob­lema, dadamay at magma­mahal sa iyo, habambuhay.

At dahil tugma ang birth date ninyo at zodiac sign, sigurado ang maga­ga­nap, darating muli ang isa pang sitwasyong hindi ninyo inaasahan, muling pagtatag­puin ng langit ang inyong mga landas, muli kayong mag­kikita at magiging close sa isa’t isa.

Sa sandaling nangyari ‘yun, anumang alalahanin at bagabag ang gumigiit sa inyong relasyon, huwag nin­yong intindihin ‘yun, sa ha­lip, alang-alang sa masarap at masaya ninyong pagma­mahalan, sundin ninyo ang iti­nitibok ng inyong puso, pa­naigin ninyo ang pag-ibig sa isa’t isa, magsama na kayo upang habambuhay na ka­yong lumigaya.