Pahiwatig na hindi maganda ang estado ng kalusugan

Socrates Magnus

Salaminin natin ang panaginip ni Lorie ng Lo­rie_Fajardo_Campos@face­book.com

Dear Professor,

Nanaginip ako na nag­pa-check-up daw ako sa doktor, lumabas daw sa re­sulta ng laboratory ko na may tama na raw ang aking kidney, tapos iyak daw ako nang iyak.

Pagkatapos ay ipina­gamot ako ng aking asawa, tapos, nagising na ako.

Ano ang ibig sabihin ng aking panaginip?

Naghihintay,

Lorie

Sa iyo Lorie,

Usung-uso ngayon ang may sakit sa kidney, pero hindi naman basta-basta nagkakasakit ng kidney fai­lure ang indibidwal dahil kinakailangan muna ng ma­habang pana­hon na ang tao ay kumakain ng mga pag­kaing nakasisira ng kidney.

Masama ang maalat sa kidney, pero kapag kumain ka ng asin ngayon, hindi naman agad masisira ang iyong kidney, lalo na kung wala ka naman talagang sakit sa kidney, kumbaga, hindi magic ang pagkaka­roon ng sakit.

Ibig sabihin, para masira ang kidney mo, dapat nu’ng bata ka palang ay kumakain ka na ng mga pagkaing ma­sama sa kidney.

Bago kasi maging stone o bato ang asin o maaalat na nakain, mara­ming taon ang kailangan para ma-trigger ito.

Gayunman, mas ma­gan­dang pakinggan mo ang iyong panaginip, magpa-check-up ka sa doktor ng malaman mo kung may sakit ka sa kidney. Paano kung wala ka naman palang sakit sa kidney?

Kung negative ang sabi ng doktor mo, ang panagi­nip mo ay nagsasabing sa mga araw na ito, ang gusto mo ay mapansin ka ng asawa mo, in short, nag­papapansin ka lang.

Sa buhay ng mag-asa­wa, dapat ay may lam­bi­ngan, sa buhay mo nga­yon, mukhang nakalimutan na ng asawa mo na makipag­lambingan sa iyo.

Sa buhay ng mag-asawa kapag walang paglalambing ang pagsasama ay boring at kapag ang buhay ay sobrang walang kuwenta, puwede ka talagang dapuan ng karam­daman dahil ang pagka­bagot, mahirap nga lang pa­niwalaan ay nagpapahina ng kalusugan.

Hanggang sa muli,

Professor Seigusmundo del Mundo