Mag-asawa, 2 anak at 2 pamangkin | PAMILYA UBOS SA SUNOG

PATAY ang anim na mag­kakamag-anak nang masunog ang kanilang bahay sa Santiago City, Isabela, Martes ng madaling-araw.

Ayon kay SFO1 Alberto Timbal, alas-3:00 ng mada­ling-araw nang sumiklab ang sunog sa Paralux Street, Greenland Phase 1. Kabilang sa nasawi ang mag-asawang sina Love Bo­ligor at Kin James Ca­bahog kapwa 35-anyos; mga anak nilang sina Raven, 5, at Kisha, 3; ang mga pamangkin ni Kin na sina Zedrick Lloyd Marcelino, 16, at Mark Mel­bourn Marcelino, 13.

Batay sa inisyal na im­bestigasyon, nagkaroon ng faulty electrical wiring kaya sumiklab ang apoy sa bahay ng pamilya.

Sinikap pa umanong ma­kalabas ng bahay ng mga bik­tima ngunit, naipit sila at na­hi­rapang makahinga. Makalipas ang isang oras ay idineklara ang fireout na tumupok sa naturang kong­kretong bahay.