Tserman niratrat, utas

PATAY ang isang tserman matapos pagbabarilin ng hindi pa nakikilalang kalalakihan sa Bgy. Mahanandiong, Taysan, Batangas.

Sa pagsisiyasat, sakay ng kanyang Toyota Wigo si Rolly Loredo, 39, ng Bgy. Mataas na lupa kasama ang nasawi ring si Reynato Garbin, habang pauwi sa kanilang lugar.

Nilampasan umano ng isang Toyota Innova ang sasakyan nila hanggang sa pagbabarilin sila ng sakay nito bago nagsitakas.

Nagtamo ang dalawa ng maraming tama ng bala sa katawan na agad nilang ikinasawi.

Nagpapatuloy naman ang imbestigasyon ng pulisya kung may kaugnayan sa politika ang motibo sa krimen.