Magsasaka timbog sa boga

MAGUINDANAO—Isang magsasaka ang dinakip ng pulisya nang makumpiskahan ng baril, kamakalawa sa loob ng kanyang bahay sa Bgy. Mirab North, Upi sa lalawigang ito.

Kinilala ang suspek na si Aquino Dianal, residente ng nasabing barangay.

Nabatid na sinalakay ng pulisya sa bisa ng search warrant na inisyu ng korte ang bahay ni Dianal at dito nakumpiska ang baril at mga bala.

Nakapiit na si Dianal na nahaharap ngayon sa kasong illegal possession of firearm and ammunitions at paglabag sa election gun ban.