YOUTH FOOTBALL LEAGUE, MAGPAPATATAG NG GRASSROOTS PROGRAM SA YOUNG TALENT

SA target na rin ng bansa na magkaroon ng matatag na football program para sa mga kabataan, hindi lamang ang pagdiskubre ang pakay ng Speed Regalo Youth Football League ng mga bago at batang players, kundi ang mabiyayaan sila ng educational opportunities.

Itinatag ni Miguel Atayde noong 2017, ang liga ay maglulunsad ng youth club-based football. May 19-20 koponan ang inaasahan na lalahok sa liga, upang maisali ang may 3,000 mga bata sa palaro.

“‘Yung Youth Football League basically is the first youth football club association in the Philippines. It was founded in 2017. Ang primary objective namin is to promote youth club-based football. We have about 19 members right now and about 3,000 kids involved,” saad ni Atayde nang bumisita sa ‘Usapang Sports’ ng Tabloid Organization in Philippine Sports (TOPS) sa National Press Club, Intramuros, Manila.

Pitong age brackets ang ipakikilala sa liga at naniniwala si Atayde na mabibigyan ng oportunidad ang mga bata na ipakita ang kanilang husay sa laro. “We go at numbers – meron kaming U7, U9, U11, U13, U15, U17, U19, and this year we’re introducing U21, and we have girls of course U17,” dagdag pa niya sa weekly forum na inayudahan ng Philippine Sports Commission (PSC) at napanood ng live via Facebook Glitter Livestream.

Bukod sa plataporma ng mga batang footballers, optimistiko pa rin ang YFL na makapag-aaral din ang mga bata dahil nagawa na ito dati sa ilang seasons. Future top talents ang ibabandera ng bansa sa koponan.

“Sa two years naming nagpapatakbo ng YFL, every year ilang bata ang nakakakuha ng scholarships sa schools –whether high school or college. Nagiging avenue pa kami for that purpose. Iyon ang ultimate objective eh. If you’re going to get the kids to play good football through the club system, and they have enough talent, they are picked up by the schools to be given free education,” saad pa ni Atayde. (MC)