Madali raw silang magduda sa kanilang mga nakasasalamuha... IBA’T IBANG PAG-UUGALI NG MGA IPINANGANA

Maestro Honorio Ong

SA 12 animal signs na ipinatawag sa palasyo ni Lord Buddha, sinasabing ang Ahas ang isa sa may pinakamasarap na buhay at matimyas na panlasa. Kung kagandahan, malasang mga pagkain at hayahay na pamamahinga ang pag-uusapan, ang Ahas ang numero-uno sa ganitong estilo ng pamumuhay.

Kung dadalaw ka sa bahay ng iyong kaibigan at naramdaman mong napakarelaks ng ambiance sa loob ng nasabing bahay, walang duda, ang bahay na ito ay pag-aari ng Ahas.

Kaya nga masasabing napaka­sarap na makapangasawa ng Ahas kung “home loving individual ka”, kumbaga, kung gusto mong nasa bahay ka lang palagi, ibigin mo ang Ahas at siguradong magiging ma­ligaya ang iyong ka­ranasan sa piling ng iyong pamilya.

Sa umpisa, aakalain mong ang Ahas ay parelaks-relaks lang ang estilo ng pa­mumuhay, subalit, habang luma­lalim ang inyong pagkakaibigan, ma­papansin mong bukod sa relaks at napaka-cool ng kanyang pagkatao, ang Ahas ay nagtataglay din ng malalim na katalinuhan at katusuhan.

May pagkapraktikal din sila, mabilis mag-isip, tiyak kung kumilos at alisto kung umasta. Ang mga positibong katangiang ito ng Ahas ay dagdag pa sa may pagka-charismatic niyang pagkatao na na­giging dahilan upang siya ay lubhang maging ka­ibig-ibig sa sinumang kanyang makakasama.

Ngunit, sa madilim na bahagi ng kanyang pag­katao, sinasabing ang Ahas ay mahirap magti­wala, palaging naghihinala, nagdududa sa kanyang mga kasama at mahilig magsuspetsa kahit hindi naman totoo ang kanyang mga hinala.

Ang ikinaganda lamang, kahit na siya ay ma­pagduda, naghihinala, hindi basta-basta nagtiti­wala at likas na alisto ang mga Ahas, hindi nila ito ipi­nahahalata o ipi­nangangalandakan, sa halip, pilit nila itong inilili­him at hindi mo mahahalata na pi­naghihinalaan ka na pala niya ng hindi maganda.

Kaya masasabing isa sa pinakamahi­rap maging kaaway ang mga Ahas, pero ma­sarap silang maging kaibigan.

Kaya kung ikaw ay may kaibi­gang Ahas, mag-ingat ka sa kanya at huwag na ‘wag mo siyang bi­bigyan ng dahilan na magduda, mainis, magkamali o magkasala ka sa kanya lalo na kung papla­nuhin mo siyang lokohin o da­yain dahil bago mo pa magawa ito sa kanya, tiyak na mau­unahan ka na niyang biglang tuklawin agad.

Huli na ang lahat at magugulat ka, kung paanong sa halip na ma­diskartehan mo siya ng manipis, ikaw ang mas mauunahan niyang agrabiyaduhin.

Dagdag pa rito, mahusay ding magtago ng ka­salanan o nang pagkakamali ang Ahas. Kumbaga, kung may kinatatakutan man siya o kasalanang nagawa, hindi mo ito basta-basta mapapansin o ma­hahalata sa kanyang pagkatao.

Sa eksaktong paglalarawan, akala ninyo ay napakahusay, napakabait at napakatalino ng Ahas na iyong kaharap ngayon, pero ang hindi mo alam sa likod ng magandang pagkataong ito na ipi­nakikita sa iyo ng Ahas, ma­husay niyang naiku­kubli ang lahat ng kanyang mga kahinaan at ne­gatibong ugali, kaya naman na­huhulog kaagad ang loob mo sa kanya at ibinibigay mo ang isan­daang porsiyento ng iyong pagti­tiwala.

Tunay ngang ang lihim na ugali ng Ahas ay walang iniwan sa ma­tandang Ahas na tumukso sa unang babae sa mundo, sa mahusay niyang pa­na­nalita at pangungumbinse, madali niyang napani­wala si Eva na naging dahilan upang kainin ang bawal na prutas sa halamanan ng Eden, kaya nangyari ang unang pag­labag o unang kasalanan ng tao sa Diyos.

Kaya naman kung ka-career-in ng Ahas upang pagkaperahan o gamitin sa negosyo ang husay niyang ito sa pangungumbinse at panghihikayat, walang duda, sa larangan ng pangangalakal ay tiyak na aasenso hanggang sa tuluy-tuloy ng yumaman ang Ahas.

(Itutuloy)