ALAB PILIPINAS, NIRESBAKAN ANG MACAU, BALKMAN, BIDA

NAKAGANTI ang San Miguel Alab Pilipinas sa Macau Black Bears noong Biyernes ng hatinggabi sa bisa ng panalong 101-96 la­ban sa bisitang team sa ASEAN Basketball League (ABL) na idinaos sa FilOil Flying V Centre, San Juan.

Humalibas si Puerto Rican big man PJ Ramos ng 29 points at may 13 re­bounds pra sa Alab na na­karesbak sa Bears matapos na trumangko sa unang dala­wang quarters. Tumabo si Re­naldo Balkman ng 26 puntos at 11 rebounds ha­bang si Ray Parks Jr., ay may 22 points, 5 rebounds at 5 assists.

Sapat na iyan upang manaig kay Filipino-American Mikh McKinney ng Macau. Si McKinney ay may 50 puntos para sa Bears na unang lumamang sa 57-46 sa half time game.

Iniangat pa ng Macau ang bentahe sa 72-62 pero humabol ang Alab sa 21-5 run at hindi na nakaporma pa ang Bears. Pero lumala­ban pa si MicKinney at hilahin ang Macau sa 91-95 sa pinal na 3 minuto, pero nahinto na ang score.

Ang Alab ngayon ay may 19 nang panalo sa 23 games. Boxscores: Alab Pilipinas 101 - Ramos 29, Balkman 26, Parks 22, Do­mingo 11, Javelona 6, Alva­no 4, Urbiztondo 3, Ala­banza 0, Sumalinog 0, Tor­res 0. Macau Black Bears 96 - McKinney 50, Watkins 25, Leung 11, Tian 6, King 3, Lai 1, Yu 0, Liu 0.