Mag-BFF dedbol sa motor

DEAD-ON-ARRIVAL sa ospital ang magkaibigan makaraang sumemplang ang kanilang motorsiklo kamakalawa ng gabi sa Binalonan, Pangasinan.

Kinilala ang mga nasawi na sina Melchor Inocencio at Mark Cadaoan, kapwa nasa hustong edad, binata at naninirahan sa nasabing lugar.

Galing sa inuman ang dalawa at pinilit umanong umuwi sa kabila ng pagpigil sa kanila.

Matulin umano ang takbo ng motorsiklo hanggang sa mawalan ng preno saka bumangga sa kongkretong bagay na nasa tabi ng kalsada.

Sa lakas ng impact, basag ang bungo ng dalawa na agad nilang ikinasawi.