LEGENDS: PATRIMONIO, CODIÑERA, PARAS AT MAGSANOC, MAGLALARO

MAGLALARO ang apat na legends ng PBA sa paggunita ng 30th anniversary ng PBA All-Star Game.

Makakasama ng South All-Stars ang tambalan ng Purefoods na sina Alvin Patrimonio at Jerry Codiñera, habang kasama sa North All-Stars ang dating magka­kampi mula sa Shell na sina Benjie Paras at Ronnie Magsanoc.

Matatandaang naglaro ang apat na manlalaro sa pinaka-unang All-Star Game ng liga noong 1989 kung saan naglaro sila para sa Rookies, Sophomores, at Juniors kontra sa Veterans.

Kasama ng paggunita sa unang All-Star Game ng liga ang pagtutuos ng Rookies and Sophomores kontra sa Juniors na parte ng side events mula Marso 29 at 31 sa Calasiao, Pangasinan. Pangungunahan ni CJ Perez ng Columbian ang Rookies and Sophomores sa naturang laro at sila’y makikipagtuos sa Juniors na pinangungunahan ni Mac Belo ng Blackwater Elite.

Kasama ni Perez sa Rookies and Sophomores sila Jason Perkins, Jeron Teng, Robert Bolick, Raymar Jose, Abu Tratter, Paul Desiderio, Mac Tallo, Trevis Jackson, Rey Nambatac, Javee Mocon, at Robbie Herndon.

Makakatuwang ni Belo sina RR Pogoy, Matthew Wright, Jio Jalalon, Carl Bryan Cruz, Kevin Ferrer, Rashawn McCarthy, Russel Escoto, Mike Tolomia, Ed Daquioag, Von Pessumal, at Ael Banal.