Babala ng experts... MGA TAONG MADALAS MAGPUYAT, PRONE SA CHRONIC DISEASE!
“SLEEP is for the weak”, ito ang katagang madalas nating naririnig sa mga beshy nating mahilig magpuyat dahil sa paglalaro ng online games, pagbabad sa social media at mayroon ding iba na napupuyat sa kaaaral. Pero, hinay-hinay sa pagpupuyat, mga beshy, dahil knows ba ninyo na ang pagiging sleep deprived ang nagiging dahilan para mag-over eat ng junk foods ang indibidwal? Hala!
Ayon sa mga eksperto, ang mga indibidwal na kulang sa tulog o sleep deprived ay mas madalas na nagke-crave ng junk food, gayundin na mas nagiging magastos sila.
Ito ay dahil ang kakulangan sa tulog ay nagreresulta sa pagiging pagod kung saan ito ay nakabu-boost umano ng area sa utak na may kaugnayan sa appetite at comfort eating, gayundin ang hormones na nagpapaalala sa indibidwal na siya ay gutom.
Ang pag-aaral na pinangunahan ni Dr. Julia Rihm kung saan ito ay binubuo ng 32 katao na nasa edad 19 hanggang 32.
Para isagawa ang pag-aaral, ang mga kalahok ay inatasang pumunta sa laboratoryo ng mga researcher para kumain ng normal na serving ng dinner sa loob ng dalawang gabi.
Pagkatapos nito, ang ibang mga kalahok ay inatasang umuwi kaagad para matulog habang ang iba ay naiiwan sa lab kung saan ang mga ito ay nanatiling gising.
Kinabukasan, sinuri ng mga researcher ang kagustuhan ng mga ito na kumain ng snack, gayundin, ang kanilang brain activity at hormone level.
Binigyan ng £2.70 o katumbas ng $3.40 ang mga kalahok kung saan ipinambili nila ito ng snacks tulad ng chocolate bar at chips, gayundin ang ilang household items o university merchandise.
Napag-alaman ng mga researcher na ang mga kalahok na hindi nakakuha ng sapat na tulog ay bumili ng maraming snacks, partikular ang junk food kumpara sa mga kalahok na may sapat na tulog.
Gamit ang MRI (magnetic resonance imaging) brain scan, napag-alaman ng mga reseacher na ang kawalan o kakulangan ng tulog ay nakai-stimulate ng neurons sa amygdala at hypothalamus.
Samantala, ipinaliwanag ng mga eksperto na ang disruption umano sa normal na function ng katawan ay nakapagpapataas ng tsansa na mag-over eat at maging obese ang indibidwal.
Ang amygdala ay isa umanong area ng grey matter na konektado sa reward seeking behavior ng indibid wal tulad ng stress eating. Gayunman, ang hypothalamus ang namamahala sa pagko-control ng appetite.
Ayon kay Dr. Rihm, ang kakulangan sa tulog o sleep deprivation ay maaari umanong mag-trigger ng pag-o-over eat na posible ring humantong sa obesity.
Oh no, mga besh! Kung naniniwala ka na ‘sleep is for the weak’, think again dahil baka dehins mo napapansin na unti-unti na palang naaapektuhan nito ang kalusugan mo.
Have a healthy lifestyle!
Okie?
Comments