1929, 1941, 1953, 1965, 1977, 1989, 2001 at 2013... MGA PANINIWALA TUNGKOL SA PAGKATAO NG MGA AHAS

Maestro Honorio Ong

SA pagkakataong ito, ang pangunahing kata­­ngian at sadlakang ka­pa­laran ng animal sign na Snake o Ahas ngayong 2019 ang ating tatalaka­yin.

Tandaang, ikaw ay ma­pabibilang sa Year of the Snake kung ikaw ay isini­lang noong mga taong 1929, 1941, 1953, 1965, 1977, 1989, 2001 at 2013.

Ang Year of the Snake ay pinaghaharian ng im­pluwensiya ng planetang Venus at sa Western Astro­logy, ito ang kumakatawan sa zodiac sign na Taurus.

Sinasabing higit na ma­kamandag ang Ahas na isi­nilang sa panahon ng tagsi­bol at tag-araw habang ang mga Ahas naman na isini­lang sa panahon ng taglamig at tag-ulan ay tutulug-tulog at pagapang-gapang lang.

Malalim at mahiwaga ang katalinuhan ng Ahas sa kumbinasyon ng pagiging malambing, sensuwal at ma­sarap magmahal. Kung pa­anong napaghahalo at na­pag­hihiwalay ng Ahas ha­bang siya ay nakikisala­mu­ha, ang pagiging tuso at may malalim na simpatiya sa kan­yang kapwa ay kumpli­kadong puzzled na mahirap mahanap ang kasagutan.

Kaya naman ang mga Ahas ay may mahiwagang pagkatao at misteryosong personalidad na mahirap malaman. Ang mga ito ay lalo pang nakaaakit dahil sa taglay na magnetismo ng kanilang personalidad.

Masarap kasama ang Ahas dahil tulad ng nasabi na, sila ay mahiwaga, mata­lino, mapagmahal at sensu­wal na para bang palagi si­lang may lihim na itinatago sa loob ng kanilang pagka­tao at kung bago mo pa lang sila kakilala ay parang nais mong tuklasin ang lihim ni­lang ito hanggang sa unti-unti ka ng mabibighani sa likas na karisma at sa ka­ka­ibang taglay na kaganda­han ng ka­nilang pagkatao.

Si Jacob ay Snake, con­sistent honor mula elemen­tarya hanggang high school. Si Jen ay Snake, pinaka-popular at hinahangaan sa kanilang opisina dahil sa tag­lay niyang pagiging mister­yosa at sobrang kaganda­han. Si Madelyn ay Snake na nakapag-abroad ng mara­ming beses at nakipagre­las­yon sa kung kani-kaninong kalalakihan, kumbaga, sob­rang makulay ang kanyang karanasan sa pag-ibig. Sila ay ilan lamang sa mga ehem­plo ng mga taong na­na­nalaytay sa kanilang ka­pa­laran ang dugo ng pagi­ging Ahas.

Oo, hindi sila pangkara­niwan sapagkat ang pagi­ging popular, mapang-akit, katalinuhan, mahiwagang pagkatao ay mga katangiang nangingibabaw at kusang nagdadala sa kanila sa mata­as na pedestal ng lipunan.

Dahil dito, likas na sisi­kat at talaga namang haha­nga­an nang todo sa lipunang kanilang ginagalawan ang mga Ahas, kaya dapat ay ma­tuto silang magkaroon ng kongkretong layunin sa bu­hay upang hindi sila matulad sa kaisa-isang kulay pulang bulaklak sa gitna ng gubat na napaliligiran ng mga ber­deng halaman, ngunit, ma­tapos umusbong, bumuka at mamukadkad ang kulay pulang bulaklak na nagpa­sa­bog ng kanyang bango at kagandahan sa gitna ng ka­gubatan, mga ilang araw lang ang lumipas ay nangu­luntoy, nalanta, nahulog sa lupa at nawala na. Oo, na­kapanghihinayang ang mga dating makukulay na kara­nasan na lang ang natira dahil ‘yung kaisa-isa bulak­lak sa gitna ng gubat ay na­wala na at tuluyang nabura.

Kung ikaw ay Ahas, hin­di dapat mangyari sa buhay at kapalaran mo ang ga­nu’ng sitwasyon, sa halip, ang dapat mong gawin ha­bang sumusikat ka ay ipag­patuloy mo lang ang pag-abot mo sa iyong mga pa­ngarap.

Sa ganu’ng paraan la­mang, sa panahong ang Ahas ay nagpalit na ng balat dahil sa sobrang ka­tandaan, mananatili siyang maligaya at may masarap na buhay da­hil sa panahon ng pag­tanda, ganap na niyang ma­kakamit ang ultimate goal niya sa buhay.

Ibig sabihin, habang bata ka, habang sikat ka pa, habang malakas ka pa, ha­bang popular ka pa, dapat may layunin ka at ang “ulti­mate goal” mo na ito, kung anuman ‘yun ay ngayon pa lang ay pilitin mong ma­abot upang sa ganu’n pag­datal ng dapit-hapon ay wala kang panghihinayangan, sa halip ay magkakaroon ka ng ma­sarap at maliga­yang pag­tanda.

(Itutuloy)