Pulis niratrat, todas

TODAS makaraang pagbabarilin ang isang miyembro ng Philippine National Police (PNP) sa Talisay City, Cebu, Miyerkules ng umaga.

Kinilala ang napatay na si Corporal Mikie Espina, nakatalaga sa nasabing lungsod.

Batay sa paunang pagsisiyasat ng mga awtoridad, sakay ng kanyang motorsiklo ang pulis patungong presinto nang tambangan ng mga armadong lalaki sa Talisay City.

Bagama’t, naisugod pa sa ospital, hindi na rin umabot ng buhay si Espina dahil sa tinamong mga tama ng bala ng baril sa iba’t ibang bahagi ng kanyang katawan.

Nabatid na ililipat sana sa Masbate ang biktima matapos masangkot ito sa iligal na droga.

Patuloy nang sinisiyasat ng pulisya ang motibo at ang nasa likod ng krimen.