HUMANDA SI STALZER SA DATING TEAM, FEMALE FANS, LIBRE SA ENTRANCE FEE

MAGKAHALONG emosyon at intensidad ang tiyak na tataas sa pagsalang ni import Lindsay Stalzer laban sa dating team sa Philippine Superliga Grand Prix ngayon sa FilOil Flying V Centre sa San Juan City.

Si Stalzer sa kanyang bagong team na F2 Logistics ay haharap sa Petron Blaze Spikers ng 7 p.m. sa engku­wentrong mahahaluan ng lakas, karanasan at drama sa pagitan ng dalawang best club sa torneo na isinasaere ng ESPN5 at 5Plus.

Pakay namang iampat ng Foton at Generika-Ayala ang pagdurugo ng kanilang team sa banatan nila ng 2 p.m. habang hahamunin naman ng United VC ang PLDT Home Fibr sa 4:15 p.m. na laban para sa triple-header games.

Bilang pagpupugay na rin sa National Women’s Month, inunsiyo ng liga na lib­re ang entrance ng mga kababaihang fans. Lahat nakaabang sa Petron at F2 Logistics. Hawak sina imports Ken­nedy Bryan at MJ Per­ez, napagwagian ng Cargo Movers ang 2017 Grand Prix title kontra Blaze Spikers na pinalakas ng American pair na sina Stalzer at Hillary Hurley.

Nang sumunod na taon, muling nagbalik si Stalzer ng Blaze Spikers at palitan ang injured na si Hurley ni Kathe­rine Bell upang dominahin ang Cargo Movers sa isang dramatikong best-of-three finals battle. Iyon ang huling tapak ni Stalzer sa Petron at pinalitan siya nang palagdain si power-hitter Stephanie Nie­mer. Dahil diyan nag­pas­ya si Illinois spiker na lumi­pat sa Cargo Movers upang makatambal si American-Italian Becky Perry.

Minaliit naman ni Petron coach Shaq Delos Santos ang rivalry. “We’ll do our best like what we always do in our past games,” ani Delos Santos, na may lima nang malinis na panalo. “We’ll treat this game just the same. What’s important is for us to overcome all the challenges in the preliminaries and advance to the quarterfinals and semifinals. From there, let’s see what will happen.”

Sa kabila ng dagdag na bala kay Stalzer, nanatiling sugatan ang F2 dahil nagpapagaling pa ng injury sa daliri si Kim Fajardo.

Sinabi ni F2 Logistics coach Ramil de Jesus na dodoblehin nila ang sipag at i-enjoy ang tulong ni Stalzer.

“Yes, I think having Stalzer is an advantage. But it would only happen if we can maximize all the plays we would create for her,” saad ni de Jesus na ibabalan­dra ang local crew na sina Cha Cruz, Aby Marano, Majoy Baron, Michelle Morente at rookie playmaker Alex Cabanos. “She’s very much familiar with Petron and she’s here for quite a while now so she already knows how to handle the game.”

Team Standings: Petron 5-0 F2 Logistics 5-0 Cignal 4-2 PLDT Home Fibr 3-2 United VC 3-3 Sta. Lucia 2-5 Foton 1-5 Generika-Ayala 0-5. (MC/VA)