BASKETBALL, FOOTBALL AT MMA SA TOPS, MOJDEH, FEBRUARY, ATHLETE OF THE MONTH

BUBUKSAN ng Tabloid Organization in Philippine Sports (TOPS) ang buwan ng Marso sa mga larong basketball, chess, football at mixed martial sa 13th “Usapang Sports” sa National Press Club sa Intramuros.

Tatalakayin ni National University coach Goldwin Monteverde ang hinggil sa tagumpay na kampanya sa titulo ng Bullpups sa UAAP Season 81 junior tournament habang muling magsasalita si Asia’s first GM Eugene Torre sa ikalawang pagbisita sa weekly sports session hinggil sa nalalapit na Cup FIDE-rated chess championships.

Sasamahan si Torre ng Mapua Filipino-Chinese Alumni Association, Inc.president Edmond Aguilar at Mapua chess coach Boyet Tardecilla. Ibabalita naman ni Youth Football League (YFL) president Mike Atayde ang bagong mga kaganapan sa youth football, habang sina Burn Soriano at Laurence Canavan ay babanggitin ang plano ng Cage Gladiator.

Inaanyayahan ng TOPS ang mga tabloid sports editors at reporters na makilahok sa “Usapang Sports” na suportado ng Philippine Sports Commission at National Press Club na ipinalalabas sa Facebook live via Glitter Livestream. Samantala, si swimming sensation Micaela Jasmine Mojdeh ang siyang unanimous choice ng (TOPS) bilang “TOPS Athlete of the Month” sa buwan ng Pebrero.

Ikinarangal ng bansa si Mojdeh, ang top swimmer ng Philippine Swimming League (PSL) sa girls 11-12 division nang makopo ang walong ginto at nakapagtala ng pitong meet records sa Beijing All-Star Swimming Championships na idinaos sa Water Cube sa Beijing noong Pebrero. (MC)