Kaparusahan sa paggamit ng expired na lisensiya ng electrical engineer
Dear Chief Acosta,
Magandang araw! Nais kong malaman kung ano ang kaparusahan ng electrical engineer na gumamit o nagtangkang gumamit ng expired na lisensiya?—Veronica
Dear Veronica,
Para sa inyong kaalaman, ang inyong katanungan ay tinatalakay sa Section 35 ng Republic Act No. 7920 o mas kilala sa tawag na “New Electrical Engineering Law” kung saan nakasaad na;
“SEC. 32. Prohibition in the Practice of Electrical Engineering. — No person shall:
x x x
(e) Attempt to use a revoked or suspended certificate of registration or an expired professional license;
x x x”
Ang paglabag sa nabanggit na probisyon ng batas ay pinapatawan ng kaukulang parusang multa at/o pagkakakulong, sang-ayon sa Section 40 ng nasabing batas kung saan nakasaad na:
“SEC. 40. Penalty Clause. – Any person who shall violate any of the provisions of this Act shall be guilty of misdemeanor and shall, upon conviction, be sentenced to a fine of not less than ten thousand pesos (P10,000) nor more than fifty thousand pesos (P50,000) or imprisonment for a period not less than six (6) months nor more than five (5) years or both at the discretion of the court.”
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa inyong patuloy na pagtitiwala.
Comments