20 FINAL EVENTS, PAGLALABANAN SA NATIONAL OPEN ATHLETICS

ILAGAN-Umpisa na nang mainit na labanan sa oval tampok ang mga Fil-Ams kontra sa SEAG bound athletes kasama ang home grown talents at atle­tang mula sa Singapore at Malay­sia na magtatagisan ng hu­say at galing sa 20 final events sa Day 1 sa foreign-laced Ayala Alabang Natio­nal Open Athletics sa Ilagan Sports Complex.

Ang 20 medalya na pag­lalaban ay 10 sa women, lima sa girls, tatlo sa men at da­lawa sa boys umpisa ng 6 a.m. Ang 10 ginto sa women ay 100m, 100m hurdles, 200m, 400m, 400m low hurdles, 4x100m relay, 4x400m relay, 800m, 4x100m mixed relay, at 4x400m mixed relay. Sa men ay 800m, 4x100m relay at 4x100 mixe3d relay at sa boys 4x100m mixed at 4x400m mixed relay. Ang 5 ginto sa girls ay 800m, 400m hurdles, 4x100m relay, 4x100m mixed 4x400m mixed relays.

Itataya ni dating SEAG queen of century dash Kayla Richardson ang internatio­nal credentials kontra sa lo­cals ng UAAP, NCAA at at­leta mula Singapore at Ma­laysia. Ilalahad din ni Carter Lily ang kanyang credential sa 800m sa unang pagsali sa taunang torneo ng PATAFA at sinuportahan ng Philip­pine Sports Commission bilang Commissions sa 30th SEA Games na gagawin sa state-of-the-art New Clark City Sports Complex sa Pampanga. Sina Brazil Olympian at London World Athletics ve­teran Eric Shawn Cray ay tatakbo sa Day 2 kung saan inaasahan na ang 30-anyos na Fil-Am na nakabase sa El Paso, Texas ay mananalo da­hil sa malawak na credential.