Mga pagkaing makatutulong para maiwasan ang dyspepsia at indigestion

SHANE M. LUDOVICE, M.D / SABI NI DOC

Dear Doc. Shane,

Ano ang dyspepsia? Madalas, hindi ako matunawan at sabi ng hipag ko baka dyspepsia raw ito. Sumasakit ang aking sikmura kapag sinusumpong ako nito, lalo na kapag may kabag ako. Saan ba ito nakukuha? — Regina

Sagot

Ang dyspepsia ay karaniwang tawag sa sakit ng tiyan dahil hindi natunawan. Ang hindi komportableng pakiramdam at sakit sa itaas na bahagi ng tiyan o sikmura ang isa sa pangunahing sintomas nito.

Kadalasang sintomas na nararamdaman ng taong may dyspepsia ay ang pakiramdam na busog kahit na kaunti lamang ang kinain o kinakabagan. Ang mga kinakain at iniinom ang kadalasang dahil sa pagkakaroon ng dyspepsia.

Narito ang mga sanhi ng dyspepsia:

• mabilis kumain at marami ang kinakain

• pagkain ng matataba at maaanghang

• sobrang pag-inom ng inuming may alcohol at caffeine

• sobrang pag-inom ng inuming may soda at chocolate

• emotional trauma

• bato sa apdo

• gastritis o pamamaga sa loob ng tiyan

• infection na dahilan ng bacteria

• sobrang nerbiyos

• sobrang katabaan

• pancreatitis o pamamaga ng pancreas

• peptic ulcer

• madalas na paninigarilyo

• stomach ulcer

Narito ang ilang sintomas ng dyspepsia:

• panghihina

• sakit ng tiyan

• pakiramdam na palaging busog

• kabag

• pagbagsak ng timbang at walang ganang kumain

• pagsusuka

• pagkakaroon ng dugo sa dumi

• paninilaw ng balat at mga mata

• pananakit ng dibdib

• sakit ng dibdib hanggang sa panga at batok

Narito ang mga pagkaing makatu­tulong para maiwasan ang dyspepsia at indigestion:

Kung nakagawian nang kumain at uminom ng mga nabanggit na maling pagkain at inumin, ngayon ang tamang panahon para baguhin ito.

• mga prutas

• mga pagkaing may nuts

• yogurt

• cereals