Sakto ngayong bakasyon, parents! MGA BATA NA LUMAKI SA PROBINSIYA, MAS NAKAIIWAS SA PAGKAKAROON NG S

Jersey Sanchez / Gulat ka 'noh?!

MARAMING mga magulang na pinipiling palakihin ang kanilang mga anak sa siyudad da­hil halos naroon na ang kanilang mga pangangailangan. Pero, mga mamsh, knows ba ninyo na kering makaiwas ni bagets sa mental ill­ness kapag lumaki siya sa ‘green space’ o probinsiya? Wow!

Ayon sa pag-aaral, ang paglaki ng bata sa bukid o probinsiya ay maaari uma­nong makatulong upang maprotektahan ang ka­nilang mental health sa kanilang pagtanda.

Ayon sa mga resear­cher, ang mga kabataang lumaki sa ‘green spaces’ ay may 55% tsansa na ma­kaiwas sa pagkakaroon ng mental health disorder.

Ito ay dahil nakatutu­long umano ang green spaces upang magkaroon ng socia­ble communities at nakae-encourage ng indibidwal para mag-ehersisyo.

Dahil dito, gumaganda ang cognitive development ng kabataan kung saan ito ay may positibong kaug­na­yan sa kanilang mental health.

Samantala, ayon sa World Health Organiza­tion (WHO), higit 400 mil­lion katao ang dumaranas ng mental health disorder sa buong mundo.

Para isagawa ang pag-aaral, gumamit ng satellite ang mga researcher mula sa mga data na nakolekta noong 1985 hanggang 2013 upang ma-evaluate ang green space na may­roon ang mga bata sa na­sabing mga taon.

Pagkatapos nito, ang mga datos ay ikinumpara sa panganib na magka­roon ng isa sa 16 na uri ng mental dis­­order tulad ng schizo­phrenia, anorexia at depres­sion ang mga ka­bataan.

Lumabas sa resulta na ang mga batang lumaking napaliligiran ng green space ay may mababang tsansa na magkaroon ng mental health disorder.

Base sa datos na gina­mit ng mga researcher, buma­baba ang tsansa na maka-develop ng mental health disorder ang indi­bidwal ka­pag na-exposed ito sa green space, mula pagkapanganak hanggang sampung taong gulang.

Gayundin, ang expo­sure umano sa natural na kapali­giran ay mayroong malaki at positibong ka­ugnayan sa kalusugan, parti­kular sa men­tal health.

Gayunman, ang ingay, polusyon sa hangin at socio­-economic condition ay kabi­lang sa mga nagti­trigger ng mental illness.

Wow! Malaki rin pala ang naitutulong ng kinala­ki­hang kapaligiran sa psy­cho­logical well-being ng indi­bidwal.

Kaya mga mamsh, alam n‘yo na, ha? Kung dehins n’yo kering mani­rahan sa probinsiya, make sure na ma­kapupunta kayo ru’n kahit isang beses sa isang buwan.

Gets mo?