PHL SKATERS NG GO-FOR-GOLD HANDA SA 2024 PARIS OLYMPICS

BILANG aprubadong regular na event ang skateboarding sa 2024 Olympics sa Paris, nagsimula na ang Go For Gold Philippine skateboarding team na ilatag ang mga paghahandang gagawin nina Filipino skaters Margie Didal.

Sinabi ni Monty Mendigoria, pangulo ng Skateboarding and Roller Sports Association of the Philippines, na nag-accredit na sila ng 12 bagong judges at referees sa ilalim ng pangangasiwa ng Asian Extreme Sports Federation technical director Warren Stuart.

Magdaraos din sila ng serye ng regional tryouts simula sa Luzon leg sa Iba, Zambales sa Marso 16-17 na bubuo para sa national finals kung saan ang magwawagi ay may tsansa na sumagupa sa 30th Southeast Asian Games.

Mas kumpiyansa ngayon si Didal na ipakita ang best performance sa nalalapit na Olympic qualifying trips sa patnubay ng Go For Gold. “The award by the PSA has motivated me to work harder as I prepare to qualify for the Olympics,’’ ani Didal, agad sumikat matapos ang gold-medal feat sa Asian Games.

Nasa ranked No. 14 siya sa world’s top 60 skaters, ang 19-anyos na Cebuana ay babanat pa sa apat na Olympic qualifying meets sa London, United States, China at Japan upang mapag-ibayo pa ang current world ranking.

“We feel that Margie and the skateboarding team will become our bright lights in the Olympics, and hopefully they can bring home our first Olympic gold medal,’’ ayon kay Go For Gold godfathear Jeremy Go.

Aagapayan din ng Go For Gold Olympic qualifying trips ni Didal at Filipino-American Christiana Means para makakuha ng tiket sa Tokyo. Tanging ang top 38 women skaters matapos ang tatlong serye ng qualifiers ang sasampa sa 2020 Tokyo Summer Games na may isang Olympic slot para sa Asya mula sa dalawang awtomatikong spots sa Japan bilang host country.