Akala pinto ng CR, nahulog mula 3rd flr. | ARKITEKTO TODAS SA ELEVATOR SHAFT

PATAY ang 37-anyos na arkitekto maka­raang mahu­log sa “elevator shaft” nang pumasok ito sa pintuan na na­pagkamalan umanong palikuran sa parking building sa Araneta Center, Bgy. So­corro, Cubao, Que­zon City.

Kinilala ang nasawi na si Michael Alfon­so, kustomer ng isang fitness gym na ma­ta­tagpuan sa ikatlong pala­pag ng Cyberpark 1 Buil­ding.

Ayon sa nakasaksi ng pangyayari na si Gerald Mondia, bandang alas-9:00 ng gabi habang nasa 3rd floor ang biktima ay puma­sok ito sa elevator high zone emer­gency door na katulad ng or­dinaryong pinto ng paliku­ran.

Maaaring inakala umano ni Alfonso na pintuan ito ng comfort room dahil walang safety warning signs ang pinasok nito at dire-diretso siyang nahulog.

Alas-10:40 ng gabi nang mahugot mula sa elevator duct si Alfonso na isinugod sa ospital ngunit, makalipas ang ilang oras ay namatay din.

Patuloy nang iniimbes­tigahan ng pulisya ang insi­dente.