2 GOLD ANG SAMAR BOXER, ILOILO AT CEBU UNA SA BP VISAYAS LEG

ILOILO CITY – Lakas at liksi ang ipinakita ng mga batang boksingero mula sa Bobon, Northern Samar upang kumalawit ng dalawang gin­to, tatlong pilak at isang tan­so sa pagsali sa Visayas Qua­lifying Leg ng 2019 Phi­lip­pine Sports Commis­sion-Batang Pinoy.

Impresibo ang panalo ng 14-anyos na si Fernando La­caña Jr., knockout ang kan­yang kalaban na si Bienje­mar Codoy ng Cebu City sa Jr. Boys Light Flyweight (48kg) para iuwi ang unang gintong medalya at una rin para sa kanilang probinsiya.

Napuruhan ni Lacaña si Codoy may 1:54 sa Round 1, ayon kanya sanay sa bug­bugan ang kanyang kala­ban. “Mga sanay na sa laban ang mga nakaharap namin kaya kinakabahan po kami, pero laban lang po kami para maabot ang pa­ngarap at ambisyon namin na matulungan ang pamilya namin,” hayag ni Lacaña Jr, na ulila na sa ama at kabilang sa inampon sa boxing pro­gram ni sportsman Reny Celespara.

Nasilo ni Darwin Sevil­lano sa Jr. ang pangalawang ginto para sa Bobon mata­pos upakan si Dante Mon­tales ng La Carlota City sa Boys Pinweight (44-46kg).

Nais din ni Sevillano na maabot ang pangarap na makapag-aral ng maayos at maiahon ang kanilang pa­milya. “Sana po ay mabig­yan kami ng pagkakataong makapag-aral kahit nasa bundok kami nakatira at magkaroon din po ng pag­kakataon sa mga scholar­ship para po maipagpatuloy namin ang pagiging boksi­ngero,” hayag ni Sevillano.

Samantala’y umaasa ang host Iloilo City na ma­papanatili nito ang walong gintong medalyang kalama­ngan para itala ang kauna-unahan nitong pagiging Vi­sayas leg overall champion. Hanggang sa huling araw, base sa partial unofficial medal tally, hawak ng host City ang unang puwesto sa kanilang 49-40-39 Gold-Silver-Bronze (G-S-B) sa kabuuang 128 medalya.

Humalili naman sa Iloilo sa second place ang Cebu City na may 34-46-48 G-S-B kasunod ang Cebu Pro­vince sa third place, na may 32-27-40 G-S-B, habang ang Negros Occidental na­man ang nasa ikaapat at Lapu Lapu City ang nasa ika­limang puwesto. (ATD)