Naguguluhan dahil biglang iniwan ng Gf

Dear Roma, Ako si Mico, 25 years old. Gusto kong humingi ng payo dahil naguguluhan talaga ako mula nu’ng iniwan ako ni Aica, ex-GF ko. Magdadalawang buwan pa lang mula nu’ng sinagot niya ako at naging kami. Wala akong nakikitang mali sa relasyon namin, kaya hindi ko talaga alam kung ano ang dahilan kung bakit bigla niya akong iniwan, sabi niya, makakikita rin daw ako ng babaeng deserve ko. Sana ay mapayuhan ninyo ako. Thank you! —Mico

Mico, Naku, bro, kahit kami, eh, naguguluhan din sa nangyari sa inyo ng ex mo. Kung hanggang ngayon ay hindi ka mapakali dahil gusto mo ng paliwanag niya, mabuting kausapin mo siya nang personal. Kung hindi pa siya handang harapin ka, oks lang ‘yun dahil darating din ang panahon na handa ka na niyang harapin at kausapin. Sana, makatulong ang payo namin sa iyo. Good luck!