BLATCHE, ‘WALANG’ TSANSA NA MAGLARO SA PBA COMMISH CUP

MALIIT ang tsansa ni Andray Blatche na makapaglaro bilang import sa PBA sa darating na Commissioner’s Cup.

Ito ang sinabi ni PBA chairman Ricky Vargas matapos ang isang board meeting kahapon na ginanap sa opisina ng liga sa Libis, Quezon City. Nauna nang iminungkahi ni Gilas Pilipinas coach Yeng Guiao na maglaro bilang import si Blatche sa PBA Commissioner’s Cup upang makapaghanda para sa FIBA Basketball World Cup.

Ayon kay Vargas, malabong makalaro ang 6-foot-11 na si Blatche dahil hindi siya papasa sa 6-foot-10 na height limit. Hindi rin ito magiging patas sa mga ibang koponan. “You have to be 6-10 and below. We think he will not pass the height requirement. Mahirap na exception ‘yan. As what the SBP president has said, he is a national treasure and not a commercial treasure. To get that exception is going to be difficult because if you do an exception today if he is 6-11, then what will stop us from the same precedence in the past,” ani Vargas.

Ayon kay Vargas, hindi pa pormal na nadesisyunan ng liga kung hindi nga ba papayagan ng liga na makalaro si Blatche sa Commissioner’s Cup. “Hindi ko pa sinasabi ‘yun. I’m just saying that it will be difficult to seek that exception. We are 12 teams. Kanino siya pupunta? Where he will go? We have to take a look at that very carefully. While we want him and play with us and be with us, there are certain rules that we have to adhere to. Otherwise, it will really kill the PBA process,” saad ni Vargas.