Mga bata inuutusang magpakamatay | NBI SA ‘KILLER ONLINE GAME’: ‘WAG MAG-PANIC

INAMIN ng National Bureau of Investigation (NBI) na wala silang ma­gagawa para matanggal ang ‘Momo Chal­lenge Applica­tion’ na hinalang naging sanhi ng pagpapatiwakal ng isang 11-anyos na binatilyo.

Gayunman, pinayuhan ni NBI-Anti-Cyber Crime Director Vic Lorenzo ang mga magulang na huwag mag-panic dahil may paraan pa naman para hindi ma­lulong ang kani­lang mga anak sa naturang internet apps.

Aniya, makikita sa ba­wat site tulad ng Facebook at Twitter ang features na ‘report’ na mas makabubuti umanong i-report na lamang para matulungan ang mga online site na matang­gal ito.

Napag-alaman na kahit matanggal ang nasabing challenge sa isang gadget, muli itong lalabas sa iba pang gadgets. Gayundin, pinayu­han ng NBI ang mga magu­lang na gabayan ang kanilang mga anak sa paggamit ng internet upang maiiwas sa mga ganitong app.

Hinala ng NBI na ang nasa likod ng naturang apps ay may pinagdaraanan at nag­hahanap lamang ng damay. Nagkataon umano na ang mga bata ang mabilis naaapektuhan.

Ang Momo Challenge ay isang online game kung saan inuutusan ang mga bata na manakit at saktan ang sarili hanggang sa ito ay magpaka­ma­tay.