Utos ni Duterte | INA NI TRILLANES, TULUYAN

ASAHANG gugulong na ang kaso laban sa ina ni Senador Antonio Trillanes IV na si Gng. Estelita Trilla­nes.

Ito ay makaraang magde­sisyon si Pangulong Rodrigo Duterte na ipa-subpoena si Ginang Trillanes kaugnay sa mga ipinasok na transak­siyon sa Philippine Navy.

Sa talumpati ng pangulo sa General Assembly ng League of Municipalities of the Philippines sa Maynila, sinabi nito na sumobra na si Trillanes.

“We will initiate an in­vestigation kagaya mo and I will subpoena your mother sa ayaw mo’t sa hindi. Baka sabihin mong walang po­wer, there is. We also have the contempt power but we have to go to court,” ani Du­terte sa kanyang talumpati.

Dagdag pa ng pangulo, sa ayaw o sa gusto ni Tril­lanes, kanyang ipasa-sub­poena ang ina nito tulad ng nangyari sa senador.

Matatandaang, uma­pela si Trillanes sa pangulo na huwag nang isama sa gulo ang kanyang ina dahil naka­raranas na ng Parkinson’s di­sease ang kanyang ina na 84-anyos.