Driver tinodas ng riding-in-tandem

NORTH COTABATO—Isang driver ang napatay nang barilin ng riding-in-tandem, kamakalawa sa Bgy. Singao, Kidapawan City sa lalawigang ito.

Ang biktima ay nakilalang si Carlo Ingay, residente ng nabanggit na barangay.

Nabatid na habang namamasada si Ingay ay dinikitan ito ng dalawang hindi kilalang suspek na nakasakay sa motorsiklo at agad pinagbabaril ang biktima.

Iniimbestigahan na ng pulisya ang motibo ng mga suspek sa pamamaslang sa biktima.