PINOY YOUTH DREAMERS, MAGBABALIK SA LUCBAN

MATAPOS ang tagum­pay ng 6th Dreamers Inter­ational Girls Basketball Challenge noong nakalipas na buwan, ang Pinoy Youth Dreamers ay muling mag­babalik para sa international boys tournament sa darating na Marso.

Tinawag na 4th Drea­mers International Boys Challenge, ang kompetis­yon ay muling gaganapin sa Batis Aramin Hotel and Resort sa Lucban, Quezon simula Marso 28.

Gaya ng naunang kum­petisyon, umaasa si PYD founding president Beau­jing Acot na magiging ma­laking tagumpay ang nasa­bing torneo para sa mga boys.

“Tulad ng Dreamers Girls Challenge noong na­karaang buwan, nanini­wala ako na magiging ma­laking tagumpay ang boys edi­tion,” pahayag ni Acot sa kan­yang pagdalo sa 11th “Usapang Sports” ng Tab­loid Organization in Philip­pine Sports (TOPS) sa Na­tional Press Club.

“Maraming bata at ta­lented na manlalaro mula Guam, Canada at Australia ang inaasahang darating. Maganda at kaaya-aya ang aming venue sa Batis Ara­min. Excited na ang lahat para sa ating Dreamers Challenge,” dagdag pa ni Acot.

Ipinahayag din ni Acot na ang naturang torneo ay mahahati sa tatlong kate­gorya batay sa edad: 15 years old and under para sa players born 2003; 18-un­der para sa born 2000; and 23-under para born 1995.

Noong 2018, ang Cross­over Canada-Smart Com­mu­nications ang nag-do­mina ng 18-under at 16-un­der divisions ng Dreamers Challenge na ginanap din sa Batis Aramin. Si Matthew Daves ang nahirang na MVP.

Nakasama ni Acot sa weekly sports session na itinataguyod ng Philippine Sports Commission at Na­tional Press Club sina two-time Olympian Stephen Fer­nandez ng taekwondo, MP­BL Commissioner Kenneth Duremdes at Nueva Ecija Defenders team owner Atty. Bong Africa. (MC)